अहिलेको समयमा परदेश लागेका एक्ला श्रीमानहरुको आफ्नो श्रीमतीलाई छिटै नै बोलाउन मिल्ने सजिलो माध्यम बनेकी छन् फतीमा । युरोपका केही केटीहरु पैसाको लागी यहा आउने युवाहरु संग विहे गरेर केही समय पछि सम्बन्ध विच्छेद गर्ने गर्दछन् । यस्तै साइनोको ब्यापार फतिमाले पनि गर्ने गरेकी छन् । यसै क्रममा एजेन्सी मार्फत सम्पर्कमा आएकी फतिमा रुपेशलाई सारै माया गर्छिन । हुन त यो उनको बानी नै भैसकेको छ । पैसाको लागी अन्य मानिस संग सम्बन्ध गास्दै केही समयपछि विच्छेद गर्न सक्ने अचम्मको माया गर्न जानेकी छन उनले । सजिलै र छिटै रातो पासपोर्ट हात पार्ने यो तरिका रुपेशलाई मन पर्यो । गाउबाट पैसा मगाएर भएपनि उनले फतिमा संग बिहे गर्ने निधो गरे । भरखरै युरोप आएका रुपेश यहा भएको बेरोजगारी समस्याले गर्दा एजेन्सीले कबुल गरेको पैसा एकै चोटी बुझाउन नसक्ने भएपछि फतिमाले किस्ता बन्दीमा लिन स्विकार गरीन । रुपेश र फतिमा दुवैजनाको मनमा हामी वास्तविक श्रीमान श्रीमती होइनौ र तोकीएको पैसा बुझाइ सके पछि हामीहरुको यो कागजी सम्बन्ध पनि विच्छेद गर्नुपर्ने छ भन्ने थाहा छ । त्यसपछि फतिमा ले अर्को ग्राहक भेटने छ भने म मेरी निर्मला र छोरालाई छिटै नै यो ठाँउमा ल्याउने छु भन्ने रुपेशले सोचीरहेका छन । पासपोर्ट छिटै हात पर्ने यो तरिका थाहा पाएर रुपेशले बा र निर्मला संग सल्लाह लिएर गाउबाटै पैसा मगाए । यसै गरि उनले दुई किस्ता बुझाइ सके । अबको तेस्रो किस्ता वा अन्तिम किस्ता भोली एजेन्सी संग गएर फतिमाको हातमा राखीदिएपछि वकीलले उनीहरुको सम्बन्ध विच्छेद गरिदिनेछन् । यसको लागी रुपेशले सबै पैसा जम्मा गरिसकेका छन् । रुपेशलाई भोली आउने दिन पनि कति लामो लागी रहेको छ । आफु विदेश लाग्ने दिनमा काखमा लिएको दुई महिनाको छोरा लाई कोक्रोमा राख्दै बाबु म तिमीलाई लिन छिटै आउछु है भनेका कुराहरु र विदाईका बेला बा,आमा र निर्मलाका आँखामा टलपलाएका आँसुले उनलाई कति समय पिडा बोध भईरहेको थियो । भोली यति बेला सम्म त मैले घरमा खुशीको कुरा सुनाउन पाउने छु त्यसपछि त .......अनेक कल्पना गर्दै खाटमा पल्टीरहेका थिए रुपेश ।

भित्तामा भएको घडीले रातको दुई बजाईसकेको थियो । कोठामा कसैले ढोका ढकढकायो । खोलेर हेर्दा त्यहा फतिमा थिइन । यतिलामो समय सम्म गरेको माया अब केही समय पछि टाढा हुदै जाने छ । सायद यहि कुराले फतिमा लाई केही नरमाइलो लागेर आजको रात म संगै विताउन आएकी होली भन्ने सम्झेर उनलाई बस्न ठाँउ देखाउछन् । फतिमाले आफ्नो ब्यागबाट पैसा निकालेर रुपेशलाई दिन्छिन । रुपेशले केही कुरा नबुझी ट्वाल्ल परेर बस्छन् । रुपेश तिमीले मलाई अहिले सम्म बुझाएको यो पैसा फिर्ता लेउ । धन सम्पती सबै थोक होइन रहेछ भन्ने कुरा मैले बल्ल बुझे । म तिमीबाट टाढा हुन सक्तिन । मलाई माफ गर रुपेश । मैले पैसाको लागी तिमी संग गाँसेको सम्बन्ध अब विच्छेद गर्न सक्तिन । म जे पनि गर्न तयार छु तर तिमी बाट टाढा...... । फतिमाको कुराले रुपेशलाई अचानक संसारको बोझ आफ्नो टाउकोमा भए जस्तै गह्रौ हुदै आयो । उसले आजसम्म देखेको सपना र तय गरेको यात्रा पुरा गर्न सकेन । दिमागमा उचारचढावहरु आईरहे । मनमा अनेक किसिमका छालहरु छचल्की रहे । अब यो अन्तिम क्षणमा उसले फतिमालाई सम्झाएर पहिलेको सर्त अनुसार सम्बन्ध विच्छेद गराउनु नै पर्छ । रुपेशले फतिमा तिर हेर्दै फतिमा के भनेकी तिमीले < मेरी निर्मला, मेरो छोरो.... यति बेलासम्म फतिमा ढोका खुल्लै छाडेर हिडिसकेकी थिईन=